17 წლის მექსიკელი ფეხბურთელი, ჟილბერტო მორა მადრიდის „რეალის“ რადარზეა.

მორა საოცრად თამაშობს და ერთ-ერთ ყველაზე პერსპექტიულ ფეხბურთელად ითვლება, სწორედ ამიტომ, მან უკვე მიიპყრო მანჩესტერ „სიტის“, „იუვენტუსის“, „მილანის“ „ბარსელონას“  და მადრიდული გრანდის ყურადღება.

მექსიკელი ფეხბურთელი 2008 წელს არის დაბადებული და ნახევარდაცვაში არაერთ პოზიციაზე ასპარეზობს. მისი სტანდარტული პოზიცია შემტევი ნახევარმცველია, თუმცა ფლანგზეც ეფექტურია და საჭიროების შემთხვევაში, ცენტრალური ნახევარმცველის ფუნქციასაც ითავსებს.

არსებული ინფორმაციით, მადრიდელები მექსიკურ მხარესთან უკვე კავშირზე არიან, ვინაიდან ხვდებიან, რომ მორას ევროპაში გადასვლა დროის საკითხია.

აღნიშნულ შეთანხმებაზე პირადად მუშაობს ხუნი კალაფატი, რომელსაც აქამდე არაერთი ტალანტი აღმოუჩენია.