მადრიდის „რეალის“ ფეხბურთელები „ხეტაფესთან“ დაპირისპირებისთვის მზადებას აგრძელებენ.

დღევანდელ სესიაზე მბაპემ, როდრიგომ, ვინისიუსმა და არდა გიულერმა კვლავ არ  მიიღეს სრულფასოვანი დატვირთვა, ისინი ალონსოს მითითებებს სრულფასოვნად ხვალიდან შეასრულებენ.

ვარჯიშზე დიდი ყურადღება დაეთმო ტაქტიკურ მონახაზებს, კარში დარტყმებს, მოკლე სივრცეში ზუსტ თამაშს და პრესინგს.

სესიის გარკვეულ ნაწილში ალონსომ გუნდი ორად გაყო და ფეხბურთი ათამაშა.

ხვალ „მერენგები“ დასკვნით სესიას გამართავენ, ზეგ კი „ხეტაფეს“ დაუპირისპირდებიან.