მადრიდის „რეალის“ მესამე კიპერი, ფრან გონსალესი მსოფლიოს 20 წლამდელთა ჩემპიონატზე გამოდის.

მადრიდული გრანდი ახალგაზრდა კარის დარაჯის გამოსვლით აღფრთოვანებულია.

ფაქტია, რომ ფრანი არნახულ პროგრესს აჩვენებს.

„მარკას“ ცნობით, „ბლანკოსში“ სერიოზულად ფიქრობენ, რომ ტიბო კურტუას გარკვეული დროის შემდეგ სწორედ გონსალესი ჩაანაცვლებს, ვინაიდან ის ტოპ კლასის მეკარედ ყალიბდება.

ასევე ვრცელდება ინფორმაცია, რომლის მიხედვითაც, ფრანი მომდევნო ზაფხულს გუნდს იჯარის წესით დატოვებს და სათამაშო პრაქტიკას გაიუმჯობესებს.