ესპანურ პრესაში კატალონიის „ბარსელონას“ და მადრიდის „რეალის“ პრეზიდენტებს შორის უთანხმოებაზე სერიოზულად საუბრობენ.

საქმე ეხება პროექტს, რომელიც ყველამ მიატოვა, მაგრამ ამ ეტაპისთვის მადრიდის „რეალი“ და კატალონიის „ბარსელონა“ ერთგულები დარჩნენ.

არსებობს ხელშეკრულება, რომელიც სუპერლიგის პროექტის იდეას, მოდერნიზებას, განხორციელებას და სხვა დეტალებს უკავშირდება.

ამ შემთხვევაში, მადრიდული გრანდი და „ბარსელონა“ მთავარი ინიციატორები არიან.

ბოლო დღეებში გავრცელდა ინფორმაცია, რომლის მიხედვითაც, ჟოან ლაპორტას „უეფასთან“ მოლაპარაკებები ჰქონდა, რის შემდეგაც სუპერლიგასთან დაკავშირებით გარკვეული გადაწყვეტილებები მიიღო.

ამ მხრივ, არც ფლორენტინო პერესის პასუხმა დააყოვნა. თუ ლაპორტა იდეას უღალატებს, კოლოსალური თანხის გადახდა მოუწევს და პერესისგან არ ექნება არანაირი შეღავათი.

არაოფიციალური ინფორმაციით, საქმე ეხება დაახლოებით 300 მილიონ ევროს.