კილიან მბაპემ გუშინ ღამე საფრანგეთის ნაკრები დატოვა და ესპანეთის დედაქალაქში დაბრუნდა.

წინახაზელზე დაკვირვებები უკვე აწარმოეს სამეფო კლუბის ექიმებმა.

სამწუხაროდ, სრულფასოვანი კვლევის ჩატარება ჯერ-ჯერობით ვერ ხერხდება, რადგან „10“-იანს კოჭი ძალიან აქვს გასიებული.

ვარაუდების მიხედვით, მბაპეს მოედანზე დასაბრუნებლად შესაძლოა 20 დღე დასჭირდეს, რაც იმას ნიშნავს, რომ მისი თამაში „ხეტაფესთან“, „იუვენტუსთან“ და შემდეგ „ელ კლასიკოში“ დიდ ეჭვს იწვევს.