ჩაბი ალონსო განახევრებული შემადგენლობით მზადებას განაგრძობს.

დღეს გუნდი კიდევ ერთხელ შეიკრიბა საწვრთნელ ბაზაზე და კვირის მესამე სესია გამართა, რომელსაც კანტერანოებიც ესწრებოდნენ.

განსაკუთრებული ყურადღება ეთმობა ხოან მარტინესს, რომელიც მთავარი გუნდის მოთამაშედ უნდა განიხილონ. ახალგაზრდა ესპანელი ამტკიცებს, რომ უმაღლეს დონეზე სათამაშოდ მზად არის.

ვარჯიშზე აქცენტი გაკეთდა ბურთის ფლობის კომპონენტზე, კარში დარტყმებზე, მოკლე სივრცეში ზუსტ თამაშზე, სტანდარტულებზე და პრესინგზე.

ასევე ცნობილია, რომ სესიის შემდეგ მთავარი გუნდის ფეხბურთელებმა კანტერანოებთან ერთად ამხანაგური შეხვედრა ჩანიშნეს.