მადრიდის „რეალის“ ფეხბურთელებმა კვირის პირველი ვარჯიში გამართეს.

სესიას ესწრებოდა ყველა ფეხბურთელი, რომელიც ნაკრებში არ წავიდა. მათ შორის, ფედერიკო ვალვერდე, რომელიც ოქტომბრის შეკრებაზე ნაკრებთან ერთად არ იქნება.

ვარჯიშზე ჩაბი ალონსომ რამდენიმე კანტერანოც გამოიძახა და მთავარი გუნდის ფეხბურთელებთან ერთად ავარჯიშა.

ესპანეთის დედაქალაქში ასევე დარჩნენ ჩუამენი, ფრან გარსია, რაულ ასენსიო, ენდრიკ ფელიპე, ჯუდ ბელინგემი, ალვარო კარერასი და სხვები.

შეკრებაზე დიდი ყურადღება დაეთმო ბურთის ფლობის კომპონენტს, კარში დარტყმებს, ტაქტიკურ მონახაზებს, პრესინგს და სტანდარტულებს.