TransferMarkt-ის განახლებული მონაცემებით, არდა გიულერის ფასი მნიშვნელოვნად გაიზარდა და 60 მილიონი ევრო შეადგინა. მიმდინარე სეზონში თურქი მოთამაშე ჩაბი ალონსოს გუნდის ძირითადი შემადგენლობის წევრად ითვლება, რასაც სტატისტიკაც მოწმობს.

თურქის ფასი ბოლო მონაცემებით 45 მილიონი იყო, ახლა კი 15 მილიონით მოიმატა.

აღსანიშნავა, რომ ამ სეზონის საერთო წუთების 80% არდამ მიიღო, ის სასტარტო შემადგენლობაში მატჩების 86%-ში იყო, რაც წინა სეზონების მაჩვენებლებს 3-ჯერ აღემატება.

მხოლოდ ლა ლიგაში არდას ანგარიშზე 7 მატჩი, 3 გოლი და 3 საგოლე გადაცემაა. თურქი თავს იწონებს ჩემპიონთა ლიგაზეც, სადაც 20 წლის მოთამაშემ 2 თამაში ჩაატარა და 1 „ასისტი“ მიითვალა.

ასევე უნდა აღინიშნოს, რომ გიულერი გახდა ყველაზე ძვირადღირებული თურქი მოთამაშე, მან ეს სტატუსი ილდისს ჩამოართვა.