ახალგაზრდა კანტერანო ხესუს ფორტეა, რომელიც პოზიციით მარჯვენა მცველია და მთავარ გუნდში თამაშის პრეტენზია აქვს, ესპანეთის 20 წლამდელთა ნაკრებშია გამოძახებული.

სწორედ ახლა აიღო სტარტი მსოფლიო ჩემპიონატმა 20 წლამდელებს შორის, ხესუსი კი ეროვნულ გუნდში ირჯება.

იმ ფონზე, რომ „რეალს“ მარჯვენა მცველი აღარ დარჩა, ფორტეა აუცილებლად მიიღებდა შანსს, თუმცა ჩაბი ალონსოს ეს ვარიანტიც აღარ აქვს.

მადრიდულ გრანდს მომდევნო 4 კვირის განმავლობაში მარჯვენა მცველის გარეშე მოუწევს ყოფნა.

არსებობს დიდი შანსი იმისა, რომ კარვახალი ვერც 26 ოქტომბრის „ელ კლასიკოში“ დაბრუნდეს.

რაც შეეხება ტრენტ ალექსანდერ არნოლდს, ინგლისელი ფეხბურთელის დაბრუნება ნოემბრის მეორე ნახევრამდე გამორიცხულია.