ის, რომ ალვარო კარერასის მადრიდში დაბრუნებამ გაამართლა და ესპანელ ფეხბურთელზე გაცემული ავანსები გადაჭარბებით სრულდება ფაქტია, თუმცა სტატისტიკა, რომელზეც გავლენიანი გამოცემები წერენ, დამატებით ყურადღებას იმსახურებს.

კარერასს ევროპის ტოპ 5 ჩემპიონატში საუკეთესო შედეგები აქვს.

ესპანელი განაპირა მცველი თავს იწონებს ბურთის დაბრუნების არნახული რაოდენობებით, მას ასევე ჩაშლილი აქვს მეტოქის 49 შეტევა, რაც ტოპ შედეგია. 

ალვარო ფაქტობრივად არ აგებს საჰაერო ორთაბრძოლებს და ცენტრალურ მცველებზე უკეთესი შედები აქვს.

კარერასი გახლავთ ფეხბურთელი, რომელმაც ტოპ 5 ჩემპიონატში ყველაზე მეტჯერ დაიბრუნა ბურთი.

ასევე აღსანიშნავია, რომ ესპანელი განაპირა მცველი სათამაშო დროის ფაქტობრივად 100%-ს იღებს, ის „რეალში“ შეუცვლელია. ამ ეტაპისთვის კარერასის ანგარიშზე 622 წუთია.