მადრიდის „რეალის“ ფეხბურთელებმა ერთდღიანი შესვენების შემდეგ ვარჯიში განაახლეს.

ლა ლიგის ლიდერებმა „ატლეტიკოსთან“ შეხვედრისთვის მზადებას დაიწყეს, სესიას კი კვლავ გამოაკლდნენ ტრავმირებულები - რუდიგერი, ტრენტ ალექანდერ არნოლდი და ფერლან მენდი.

სესიაზე დიდი ყურადღება მიექცა ტაქტიკურ მონახაზებს, ბურთის ფლობის კომპონენტს, კარში დარტყმებს, პრესინგს და სტანდარტულებს.

ალონსოს ვარჯიშზე არ გამოუძახებია არცერთი კანტერანო.

მთავარმა მწვრთნელმა შემაჯამებელი სესია ხვალ ჩანიშნა.