დანი სებალიოსმა „ლევანტესთან“ გამარჯვების შემდეგ „რეალის“ ტელევიზიასთან ისაუბრა.

„ამ სტადიონზე თამაში მარტივი არ არის. ჩვენ ვიცოდით, რომ პირველივე წუთებიდან უნდა შეგვეტია და ასეც მოვიქეცით. გუნდმა აჩვენა ძლიერი მენტალური მხარე და გაიტანა არაერთი ლამაზი გოლი. გამარჯვება დამსახურებული იყო.“

„მოხარული ვარ, გუნდის კარგი გამოსვლით, თუმცა ვიცი, რომ კიდევ ბევრი ასპექტია გასაუმჯობესებელი. ყოველდღიურ რეჟიმში ვმუშაობთ და ვცდილობთ, მოწოდების სიმაღლეზე ვიდგეთ.“

„პირად დონეზე თავს კარგად ვგრძნობ, დამაჯერებლობა არ მაკლია. ვიცი, რომ დიდი კონკურენციის პირობებში მიწევს ყოფნა.“

„მადრიდული დერბი საინტერესო იქნება. შარშან „ატლეტიკოს“ ჩემპიონთა ლიგაზეც შევხვდით და ორი ურთულესი შეხვედრა ჩავატარეთ, რამაც უდიდესი ენერგია წაიღო. ყველაფერს გავაკეთებთ ლა ლიგის მე-7 ტურის მოსაგებად.“