მასტანტუონო:„მე ასეთი ფეხბურთელი პირველად ვნახე“
ფრანკო მასტანტუონომ „ლევანტეს“ დამარცხების შემდეგ კომენტარი გააკეთა.
„რა თქმა უნდა, ძალიან ბედნიერი და ემოციებით სავსე ვარ. ჩემი პირველი გოლი მადრიდის „რეალის“ მაისურით არასდროს დამავიწყდება.“
„გუნდმა მნიშვნელოვანი 3 ქულა ჩაიწერა აქტივსი, წინსვლას განვაგრძობთ და ვიცით, რომ სეზონი ძალიან გრძელია, ამიტომ ყურადღებით ყოფნა გვმართებს.“
„ადაპტაციის პერიოდი გრძელდება. მერწმუნეთ, გაცილებით მეტის გაკეთება შემიძლია და ამაზე ვმუშაობ. დიდი მადლობა სამწვრთნელო შტაბს, რომ მეძლევა სათამაშო დრო, ეს ჩემთვის სასიცოცხლოდ მნიშვნელოვანია.“
„ჯუდ ბელინგემის სტილის ფეხბურთელი არასდროს მინახავს, ის საოცრად მოძრაობს ბურთთან ერთად. მართლაც პირველად ვნახე მსგავსი სტილის მოთამაშე. რასაც ინგლისელი აკეთებს, სხვას არ შეუძლია. მიხარია, რომ ბელინგემი მოედანზე დაბრუნდა.“
„მწვრთნელს ჩემთან კონკრეტული მოთხოვნები აქვს, მას სურს, რომ ხშირად განვახორციელო დრიბლინგი, დავეხმარო მცველებს, გავაკეთო გამჭოლი პასები და გუნდს შევძინო დინამიკა. მე ალონსოს ვუსმენ და ვცდილობ, ყველა მითითება ზედმიწევნით შევასრულო.“
„დიდი მადლობა ვინისიუს ჟუნიორს, მან კარგი პასი გამიკეთა, რაც გოლის გატანის წინაპირობა იყო. ვფიქრობ, ამ მომენტამდეც შემეძლო მეტოქის კარის აღება, თანაც უფრო მარტივად.“
„ჩემი ოჯახი, მეგობრები, თანაგუნდელები გვერდში მიდგანან. თავს მშვიდად ვგრძნობ და ვიცი, რომ ჯერ კიდევ ბევრი მაქვს დასამტკიცებელი.“
- დღეს, 10:49
- 292
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
