ვინისიუს ჟუნიორმა „ლევანტეს“ წინააღმდეგ ულამაზესი გოლის გატანა შეძლო და შეხვედრის შემდეგ კომენტარი გააკეთა.

„ძალიან მიხარია, რომ გავიმარჯვეთ. გუნდს 3 ქულა სჭირდება და გეგმა შესრულებულია. ვფიქრობ, კარიერის ერთ-ერთი ყველაზე ლამაზი და სანახაობრივი გოლის გატანა შევძელი.“

„ჩემი გოლი ლუკიტა მოდრიჩს ეძღვნება, ის ყველას მოგვენატრა. სიმართლე გითხრათ, მიჭირს აღქმა, რომ ის „რეალის“ მოთამაშე აღარ არის.“

„კოლექტიური პასუხისმგებლობის გაზიარებას ძალიან დიდი მნიშვნელობა აქვს. გუნდი წინ მიდის, პროგრესირებს და აჩვენებს, რომ კიდევ აქვს პერსპექტივა.“

„დარწმუნებული ვარ, მადრიდის „ატლეტიკოს“ წინააღმდეგ თამაში რთული იქნება, მაგრამ ჩვენ ყველაფერი უნდა გავაკეთოთ იმისთვის, რომ 100%-იანი მოგებების მაჩვენებელი შევინარჩუნოთ.“

„„ლევანტეს“ სტადიონზე თამაში მარტივი არასდროს არის. ამ გუნდს ქომაგები მხურვალედ უჭერენ მხარს.“

„ამ სტადიონზე ხშირად გამიტანია, შესაბამისად, ჩემს მიმართ ყოველთვის არის აგრესია.“

„გუნდს საოცარი დინამიკა ჰქონდა, პრესინგს ვთამაშობდით, რაც მეტოქეს შეტევების წამოწყების საშუალებას არ აძლევდა. კარგი შეხვედრა გამოვიდა და ტაბლოზე ასახული შედეგიც აბსოლუტურად ადეკვატურია.“