ჩაბი ალონსომ „ლევანტესთან“ გამარჯვების შემდეგ პრესკონფერენცია გამართა.

„გუნდმა სრულყოფილი და დინამიური ფეხბურთი ითამაშა. ჩვენ მაშინაც შეგვეძლო მესამე და თუნდაც მეოთხე გოლის გატანა, როდესაც ანგარიში 0:2 იყო. „ლევანტემ“ ერთი გოლის გატანის შემდეგ მოტივაცია აიმაღლა, თუმცა ჩვენი რეაგირება სწრაფი იყო და მალევე გავზარდეთ სხვაობა. ძალიან მნიშვნელოვანი გამარჯვება მოვიპოვეთ, როგორც უკვე გითხარით, ლა ლიგაში სტაბილური გამარჯვებები აუცილებელია.“

„მიხარია, რომ კამავინგა და ბელინგემი დაბრუნდნენ, ამით ჩემი გუნდის ნახევარდაცვის რესურსი მნიშვნელოვნად გაიზარდა. ორივე ფეხბურთელს შეუძლია სიტუაციის გამწვავება.“

„ყველა, ვინც მოედანზე იყო, კარგად იმუშავა. მილიტაოს და კარვახალს დასვენების საშუალება მივეცი, სამაგიეროდ, სხვა მოთამაშეებმა შანსი მიიღეს, რომელიც ბრწყინვალედ გამოიყენეს.“

„რაულ ასენსიო დაცვის მარჯვენა ფლანგზეც საიმედოდ ირჯებოდა, ესპანელი ფეხბურთელის პროგრესი აშკრაა, ის ბევრს მუშაობს.“

„ჩვენ ვაშენებთ მყარ საფუძველს. ჯერ მხოლოდ 51 გავიდა მას შემდეგ, რაც წინასასეზონი მზადება დავიწყეთ. გუნდი პროგრესირებს, მაგრამ ძალიან ბევრი კომპონენტი კვლავ დასახვეწია.“

„მადრიდული დერბი? აქამდე „ლევანტეზე“ ვფიქრობდი, ხვალიდან კი „ატლეტიკოზე“ ვიფიქრებ. თუ დერბის მოვიგებ, თამამად განვაცხადე, რომ სეზონის ერთ-ერთი ყველაზე მნიშვნელოვანი შეხვედრა დავასრულეთ წარმატებით.“

„ვინისიუსი? კმაყოფილი ვარ, ბრაზილიელი ფეხბურთელის მარგი ქმედების კოეფიციენტი ძალიან მაღალი იყო, მას საოცარი მატჩი ჰქონდა და საუკეთესო ფეხბურთელის ჯილდოც დამსახურებულად მიიღო.“