ესპანური გამოცემების ცნობით, მადრიდის „რეალის“ გენერალურმა დირექტორმა ვინისიუს ჟუნიორის აგენტს ფლორენტინო პერესის მესიჯი გადასცა.

წლის ბოლომდე ბრაზილიელმა ფეხბურთელმა ახალ კონტრაქტთან დაკავშირებით გადაწყვეტილება უნდა მიიღოს. თუ ვინი შეთავაზებულ პირობებს არ დათანხმდება ან პოზიციას არ დააფიქსირებს, ესეც ჩაითვლება, როგორც უარი და 2026 წლის ზაფხულში სამხრეთ-ამერიკელი გუნდიდან წავა.

„თუ ყველაფერი მიუღებელია, მაშინ წასვლა მოგიწევს“-სწორედ ეს მესიჯი გაუგზავნა პერესმა ბრაზილიელს.

ამ ეტაპისთვის სამეფო კლუბსა და ვინისიუსს შორის ურთიერთობა უკიდურესად არის დაძაბული და შეთანხმების ჩავარდნა სავსებით რეალურია.

თუ არაფერი შეიცვლება, „ბლანკოსი“ ბრაზილიელს 180-190 მილიონი ევროდ გაყიდის.