ესპანური გამოცემების ცნობით, დავიდ ალაბას და ანტონიო რუდიგერს მადრიდული მომავალი გარანტირებული არ აქვთ.

ჩაბი ალონსო ფსონს დინ ჰაუსენზე დებს, მის იდეალურად მეწყვილედ კი ედერ მილიტაო მიაჩნია. ამასთან ერთად, ბასკ სპეციალისტს სჯერა რაულ ასენსიოს პროგრესის და მისთვის შანსის მიცემას გეგმავს.

რაც შეეხება ანტონიო რუდიგერს და დავიდ ალაბას, მათ კონტრაქტები 2026 წელს ეწურებათ.

მადრიდული გრანდი იბრაჰიმა კონატესა და დაიო უპამეკანოს თავისუფალი აგენტის სტატუსით, უფასოდ გადმოყვანაზე მუშაობს. თუ ორივე შეთანხმება შედგება, რუდიგერი და ალაბა გუნდს დატოვებენ, რადგან მათთვის ადგილი ფიზიკურად აღარ დარჩება.

ამ ნაბიჯით ფლორენტინო პერესი გუნდს მნიშვნელოვნად გააახალგაზრდავებს, ვინაიდან კონატე და უპამეკანო 26 წლის  არიან, ხოლო ალაბა და რუდიგერი 33 და 32.