ჩაბი ალონსომ „ლევანტესთან“ მატჩის წინ პრესკონფერენცია გამართა.

„გასვლითი შეხვედრები ყოველთვის მეტ სირთულეს უკაშირდება. „ლევანტე“ კარგად ორგანიზებული გუნდია, სწორედ ამიტომ, მაქსიმალური ყურადღებით თამაში გვმართებს. ვიცით, რომ 3 ქულა დიდ მნიშვნელობას იძენს, სწორედ ამიტომ, გამარჯვება გვჭირდება.“

„თუ ლა ლიგის მოგება გვსურს, თითოეული ქულისთვის ბოლომდე უნდა ვიბრძოლოთ, ამოცანა რა თქმა უნდა, ურთულესია, თუმცა არა დაუძლეველი.“

„სიმართლე რომ გითხრათ, დიდად არ ვინტერესდები, ვინ მოიგებს ოქროს ბურთს, მე ხვალინდელ თამაშზე ვარ ფოკუსირებული.“

„ალვარო კარერასი თითოეული მადრიდელისთვის დიდი სიურპრიზია. მიხარია, რომ ესპანელი ფეხბურთელი საოცარ დონეს აჩვენებს.“

„მეც ვიყავი ფეხბურთელი და ვიცი, რას გრძნობ მაშინ, როდესაც გცვლიან. იგივე სიტუაცია ვინისიუს ჟუნიორთან დაკავშირებითაც, თუმცა კიდევ ერთხელ ვამბობ, რომ რესურსის სწორი განაწილებაა საჭირო. თუ ვინისიუსს ჩემი არ ესმის, პირველ რიგში ამას მე მეტყვის. ჩვენ ხშირად ვაანალიზებთ მატჩებს.“

„კამავინგა და ჯუდ ბელინგემი საკმაოდ კარგ ფორმაში არიან. არ გამოვრიცხავ, მათ „ლევანტეს“ წინააღმდეგ სასტარტოშიც ითამაშონ.“

„ფეხბურთელები ბედნიერები არიან. ვარჯიშზე ვხედავ დიდ ენთუზიაზმს და მონდომებას, მთავარი კი ეს არის.“

„საუკეთესო შემტევი ტრიო? ყველა მოთამაშე მჭირდება, არავის გამოვყოფ. ჩვენ შეკრული გუნდი ვართ.“

„ჯერ მხოლოდ სეზონის სტარტია. ამდენ ტურნირზე გამოვდივართ და გამოწვევებიც შესაბამისია. არ ვფიქრობ, რომ ვინისიუსს საჭიროზე ნაკლები დრო ექნება, ის ძალიან დაიტვირთება.“

„წინა მატჩში ბურტის კონტროლის მაჩვენებელი ძალიან მაღალი იყო, მაგრამ ჩვენ კრეატიული ფეხბურთი არ გვიჩვენებია. ეს არის დასტური იმისა, რომ მხოლოდ ბურთის კონტროლი გადამწყვეტი არ არის. მთავარია ტაქტიკურად სწორად გააზრებული თამაში.“

„ედუარდო დინამიური ფეხბურთელია, საკმაოდ დიდ სისწრაფეებს ანვითარებას და შესაძლებლობებიც ბევრი აქვს. მისი სახით გუნდს მნიშვნელოვანი ფიგურა ჰყავს. იმედი მაქვს, ფრანგს ტრავმები აღარ შეაწუხებს და შესაძლებლობების მაქსიმუმის გამოვლენას შეძლებს.“

„მატჩი გვიან? ამას შეჩვეულები ვართ. ჩემპიონთა ლიგის შეხვედრებიც ამ დროს იმართება, შესაბამისად, საკვირველი არაფერია, თანაც მაშინ, როდესაც შუა კვირაა.“

„კარერასი, ჩუამენი და მბაპე შეუცვლელები არიან? სამივე საოცარ ფორმაშია და მეტ დროს იღებს, თუმცა დასვენების დროს მათაც მივცემ.“

„მუდმივი როტაცია არ არის კარგი, თუმცა ეს არის საჭირო კომპონენტი. როდესაც ფეხბურთელების დასვენების საშუალება მექნება, ამას ყოველთვის გავაკეთებ.“