ედუარდო კამავინგამ „ესპანიოლის“ დამარცხების შემდეგ მედიის წარმომადგენლებთან ისაუბრა.

„მადრიდის „რეალს“ აბსოლუტური დომინაცია ჰქონდა და 3 ქულა დამსახურებულად ჩაიწერა აქტივში. ვერ ვიტყვი, რომ ეს ჩვენი მაქსიმუმია, თუმცა გუნდი სტაბილურად გამოდის.“

„დარწმუნებული ვარ, მომდევნო ტურებშიც საუკეთესო შედეგებს ვაჩვენებთ და ლიდერობას განვიმტკიცებთ.“

„მოხარული ვარ დაბრუნებით, საკმაოდ ხანგრძლივი რეაბილიტაციის კურსი გავიარე. ვიმედოვნებ, ტრავმები აღარ შემიშლის ხელს და შევძლებ გუნდისთვის მნიშვნელოვანი საქმეების კეთებას.“

„სანაკრებო შეკრებამდე ჯერ კიდევ მნიშვნელოვანი მატჩებია დარჩენილი. ვეცდები, ეტაპობრივად მოვუმატე. მე უკვე შემიძლია მოედანზე გასვლა და 90 წუთიანი დატვირთვის მიღება.“