მადრიდის „რეალისა“ და „ესპანიოლის“ დაპირისპირება საზოგადოებისთვის სრულიად უცნობმა ადამიანმა გახსნა, რომელსაც საშინელი ტრაგედია შეემთხვა, მადრიდულმა გრანდმა კი დიდი დახმარება აღმოუჩინა.

16 წლის მაროკოელმა 2023 წელს მომხდარი საზარელი მიწისვლის დროს მშობლები, დები და ბაბუა დაკარგა.

პატარა ბიჭის ტრაგიკულმა ისტორიამ მთელი მსოფლიო შეძრა, მადრიდის „რეალი“ კი მას ყველაზე რთულ მომენტში დაუდგა გვერდში.

ჩემპიონთა ლიგის ჯგუფური ეტაპის პირველ დაპირისპირებას „რეალსა“ და „მარსელს“ შორის აბდერაჰიმმა ბერნაბეუზე უყურა, შემდეგ კი საყვარელ კუმირებს შეხვდა და მათგან ავტოგრაფები მიიღო, დღევანდელი მატჩი კი მან გახსნა.

აღსანიშნავია, რომ აბდერაჰიმი სამეფო კლუბის აკადემიაში ირიცხება და მადრიდული გრანდისგან დიდი ყურადღებით სარგებლობს.