მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს.

გუნდი საწვრთნელ ბაზაზე შეიკრიბა და პირველ ეტაპზე ფიზიკურ კონდიციებზე იზრუნა, სესიის მეორე ეტაპი კი თავიდან ბოლომდე ბურთს და პრესინგს მიეძღვნა.

ჩაბი ალონსომ დიდი ყურადღება დაუთმო ტაქტიკურ მონახაზებს, მოკლე სივრცეში ზუსტ თამაშს და სტანდარტებს.

ანტონიო რუდიგერი აღდგენით პროცესს აგრძელებს, მას შეუერთდა ფერლან მენდიც.

აღსანიშნავია, რომ გუნდთან ერთად ივარჯიშეს ენდრიკ ფელიპემ, ჯუდ ბელინგემმა და ედუარდო კამავინგამ.