ალვარო კარერასი მადრიდის „რეალს“ შესანიშნავად მოერგო, რასაც მისი დაფიქსირებული სტატისტიკაც მოწმობს.

ესპანური გამოცემების ცნობით, ოქტომბრის შეკრებაზე „ფურია როხას“ მთავარი მწვრთნელი, ლუის დე ლა ფუენტე კარერასის გამოძახებას გეგმავს.

ეს იმას ნიშნავს, რომ მადრიდელმა ფეხბურთელმა შესაძლოა საქართველოს ნაკრების წინააღმდეგაც ითამაშოს.

დე ლა ფუენტე ალვაროზე დაკვირვებას გააგრძელებს და საბოლოო გადაწყვეტილებას სექტემბრის ბოლოს მიიღებს.