ჩაბი ალონსომ „მარსელთან“ მატჩის შემდეგ პრესკონფერენცია გამართა.

„გამარჯვებით ბედნიერი ვარ. 3 ქულა მნიშვნელოვანი იყო, თანაც საშინაო არენაზე ვთამაშობდით. ძალიან არასასიამოვნოა, როდესაც 10 ფეხბურთელით ვრჩებით. არ შევაფასებ მსაჯის გადაწყვეტილებას და არ გამოვიწვევ დამატებით სპეკულაციებს. კარვახალი დიდი დანაკლისი იყო და ჩვენ მატჩის სქემა შევცვალეთ.“

„კილიან მბაპე? ის საოცარი ფეხბურთელია, რომელიც გუნდის ერთ-ერთი ლიდერი გახლავთ და მოედანს გოლის გარეშე არ ტოვებს. ბედნიერი ვარ თამაშის ხარისხით, რომელსაც ფრანგი მოთამაშე აჩვენებს.“

„ვინისიუსის სკამზე დატოვება? ამას მხოლოდ ერთი მიზეზი აქვს, ჩვენ გვაქვს ინტენსიური კალენდარი და გვჭირდება რესურსის სწორი ათვისება. ბრაჰიმმა, გონსალომ და როდრიგომ საჭიროება უნდა იგრძნონ, თამაშის დროს ყველა მიიღებს. ვინი სკამზე კიდევ დარჩება, რადგან ენერგიის სწორად გადანაწილებაა საჭირო, აღნიშნული როტაციები სხვა მოთამაშეებსაც შეეხებათ.“

„მქონდა თუ არა საუბარი ვინისიუსთან? რა თქმა უნდა, თუმცა პრივატული საუბარი პრივატულად დარჩება, ეს არის გარეთ გამოსატანი საკითხი. ფეხბურთელებთან ყოველთვის ვცდილობ ბევრ საუბარს.“

„არდა გიულერის შეცდომაზე ყურადღების გამახვილება არ ღირს, მან მთელი მატჩის განმავლობაში ბევრი სასარგებლო საქმე გააკეთა.“

„არ მსურს ტრენტის ტრავმაზე საუბარი. სჯობს, დაველოდოთ ექიმებს და სამედიცინო ტესტირებას. წინასწარ დასკვნების გამოტანა არაფერს მოგვცემს.“

„3 ცენტრალური მცველით თამაში? ეს სრულიად შესაძლებელია, ჩვენ გვაქვს შესაბამისი რესურსი, მოთამაშეებს კი ვერტიკალური ფეხბურთის ჩვენება შეუძლიათ.“

„კამავინგა და ჯუდ ბელინგემი თამაშში არ ჩავრთე, მათი საჭიროება არ დამდგარა, რისკები კი თავიდან ავირიდე. ლა ლიგის მომდევნო ტურში ორივე მოთამაშე ხელმისაწვდომი იქნება.“