მბაპე:„ლიმიტებს არ ვაწესებ, ბევრი გოლის გატანა მსურს“
კილიან მბაპემ „მარსელთან“ შეხვედრა შეაფასა.
„ჩემპიონთა ლიგის მატჩის ჩატარება სანტიაგო ბერნაბეუზე ყოველთვის განსაკუთრებულია. ჩვენ 10 ფეხბურთელით დავრჩით, მაგრამ მადრიდული სული კიდევ ერთხელ გამოვამჟღავნეთ და გამარჯვებას მივაღწიეთ. ეს მნიშვნელოვანი 3 ქულა იყო, ახლა კი სხვა შეხვედრებზე გადავერთვებით.“
„ჩვენ გვაქვს მხოლოდ ერთი ტრაექტორია და ეს არის ტიტულებისკენ სწრაფვა. გვსურს ყველა თასის მოგება და ამის რესურსი კოლექტივში არსებობს.“
„გუნდში ბედნიერი ვარ, საკუთარ თავზე ბევრს ვზრუნავ და ვცდილობ, რომ გუნდისთვის ბევრი სასარგებლო საქმე გავაკეთო. ეჭვი არ მეპარება, კიდევ მოვუმატებ და არაერთი გოლის გატანას შევძლებ.“
„ის, რომ 50 გოლი დავაგროვე, რა თქმა უნდა სასიამოვნო და საამაყოა, თუმცა მთავარი წარმატებები წინ არის.“
„რამდენ გოლს გავიტან ამ სეზონში? ლიმიტებს არ ვაწესებ, რაც შეიძლება მეტის გატანა მსურს.“
„ჩაბი ინტენსივობას ითხოვს, მისთვის პრიორიტეტი ბურთის სწრაფად დაბრუნებაა, რაც თავის მხრივ, მეტოქის შეტევების დროულ ჩაშლას გულისხმობს. ხშირად ვეხმარებოდი მცველებს და ბევრს ვმოძრაობდი, რადგან გუნდი 10 ფეხბურთელით დარჩა და ამის საჭიროება იყო.“
- დღეს, 11:18
- 89
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
