ანჩელოტი:„„რეალში“ ბოლო სეზონში ტიტულები ამ მიზეზით ვერ მოვიგე“
კარლო ანჩელოტიმ მადრიდის „რეალის“ შარშანდელი სეზონი შეაფასა და განაცხადა, რომ წარუმატებელი მატჩები არ მისი ბრალია და არც ფეხბურთელების.
„შარშან ბევრი ვიშრომეთ და ვიბრძოლეთ, მაგრამ არსებითად ვერაფერი შევცვალოთ და საბოლოო ჯამში უტიტულოდ დავრჩით.“
„60-ზე მეტი ტრავმა სეზონში კატასტროფული მაჩვენებელი იყო. ჯამურად დაცვის ოთხეულში 20-ზე მეტჯერ მომიწია ცვლილებების განხორციელება. დავიდ ალაბას და ედერ მილიტაოს ტრავმებმა ცუდი შედეგი მოგვცა, დანიელ კარვახალის დაზიანებამ კი ფუნდემანტური მნიშვნელობა იქონია.“
„კროოსის შეცვლა სამწუხაროდ ვერ შევძელით, გერმანელის როლი ძალიან დიდი იყო და 10 წლის განმავლობაში შეუცვლელად თამაშობდა.“
„ხოსელუ? ის დავიმატეთ მას შემდეგ, რაც გუნდი ბენზემამ დატოვა. მატომ მართლაც საოცარი 1 სეზონი ჩაატარა გუნდში და შარშან მისი დანაკლისიც გვქონდა.“
„მბაპე მოვიდა და ამით გუნდმა უდიდესი რესურსი მიიღო, თუმცა მასაც სჭირდებოდა გარკვეული დრო იმისთვის, რომ სრულად გახსნილიყო. პირველი სეზონის მიუხედავად, წინახაზელმა ყველაზე მეტი გოლის გატანა შეძლო და გულშემატკივრებს არაერთი საოცარი საღამო აჩუქა. ვერ ვივიწყებ მატჩებს, რომელიც „სიტისთან“ გვქონდა, კილიანი კი საოცარი იყო.“
„დარწმუნებული ვარ, ახალ სეზონში ფრანგი კიდევ უფრო პროდუქტიული იქნება.“
„მბაპე არის ბენზემას, ბუტრაგენიოს და სხვების სტილის წინახაზელი, მე მასში ცენტრ-ფორვარდს ვხედავ, რომელსაც აქვს არნახული სისწრაფე, შეუძლია ფეხბურთელების მოტყუება და ლამაზი გოლების გატანა.“
„რას ვუსურვებ „რეალს“ ახალ სეზონში? გაცილებით ნაკლებ ტრავმას, ტაქტიკურ გამართულობას და ჩაბი ალონსოსთან ერთად ბევრი ტიტულის მოგებას.“
- 14 სექტემბერი 2025
- 2 628
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
