„ანოეტაზე“ გამართული მატჩი ფედერიკო ვალვერდესთვის საიუბილეო გამოდგა.

სამხრეთ-ამერიკელმა ფეხბურთელმა ლა ლიგაში 150-ე დაპირისპირება მოიგო. აღნიშნული შედეგის მისაღწევად ვალვერდეს 215 მატჩი დასჭირდა.

ფედერიკო ესპანეთის ჩემპიონატის სამგზის მფლობელია, მან ჩემპიონობა 2020, 2022 და 2024 წელს იზეიმა.

მეტოქე, რომლის წინააღმდეგაც ვიცე-კაპიტანს ყველაზე მეტი გამარჯვება აქვს მოპოვებული „სელტა“ გახლავთ. ვიგოელთა წინააღმდეგ ნახევარმცველმა 11-ჯერ იმარჯვა.