ჩაბი ალონსომ „სოსიედადთან“ გამარჯვების შემდეგ პრესკონფერენცია გამართა.

„რამდენჯერმე ვუყურე დინ ჰაუსენის მომენტს და აზრი არ შემიცვლია. ეს ამბავი ჩემთვის სრულიად მიუღებელია. ესპანელი ფეხბურთელი იმსახურებდა ყვითელ ბარათს და არა მოედნიდან გაძევებას. მან მოქმედება კარიდან დაახლოებით 40 მეტრში დაიწყო, სადაც მისი მეწყვილე დამატებით სივრცეებს ფარავდა. დინი არ იყო ბოლო მოთამაშე. სრულიად ბუნებრივია, რომ ესპანელი აღშფოთდა, თუმცა თანაგუნდელებმა გაიმარჯვეს და უკანახაზელს სიურპრიზი გაუკეთეს.“

„წითელმა ბარათმა მატჩის სცენარი შეცვალა, ჩვენ გაცილებით მეტი ბრძოლა მოგვიწია, ვინაიდან ინტენსივობა დავკარგეთ. მადლობა ყველა ფეხბურთელს, ეს 3 ქულა საკმაოდ რთული მოსაპოვებელი გახლდათ.“

„ფრან გარსიას, ალაბას და რაულ ასენსიოს როლი ძალიან დიდი და მნიშვნელოვანი იყო. სამივე მოთამაშე კარგად შემოვიდა.“

„ლა ლიგა ძალიან გრძელი ტურნირია. მიხარია, რომ პირველ 4 მატჩში 12 ქულის მოპოვება შევძელით, ჩვენ უნდა გავაგრძელოთ სტაბილური სერია და ნაბიჯ-ნაბიჯ მივიდეთ ჩემპიონობამდე.“

„რუდიგერის ტრავმა რა თქმა უნდა, ძალიან სამწუხაროა, მაგრამ გუნდში არსებობს შესაბამისი რესურსი. რა თქმა უნდა, თვალს ვადევნებ აკადემიის მცველების პროგრესსაც. ასევე მინდა გითხრათ, რომ დაცვის ცენტრში თამაში ალვარო კარერასსაც შეუძლია.“

„სანამ „სოსიედადს“ შევხვდებოდი, ამ გუნდის ბოლო მატჩები ვიხილე. ვერ ვიტყვი, რომ მათი თამაშის ხარისხი იმსახურებდა იმ ქულათა რაოდენობას, რაც ბასკურ კლუბს ამ ეტაპზე აქვს დაფიქსირებული. დარწმუნებული ვარ, მე-5 ტურიდან „სოსიედადის“ შედეგები ლა ლიგის ცხრილში მნიშვნელოვნად გაუმჯობესდება.“