ანტონიო რუდიგერი გუნდს 3 თვით გამოაკლდა, მაგრამ უნდა აღინიშნოს, რომ ამ ეტაპზე „რეალში“ კრიზისული სიტუაცია არ არის.

ჩაბი ალონსოს განკარგულებაში ჰყავს ედერ მილიტაო, დინ ჰაუსენი, რაულ ასენსიო და დავიდ ალაბა. ამასთან ერთად, პრობლემატურ სიტუაციაში ორელიან ჩუამენის ცენტრალურ მცველად გამოყენებაც არის შესაძლებელი.

მთავარ მწვრთნელს არ დავიწყებია ხოან მარტინესიც, რომელიც კასტილიაში შესანიშნავად თამაშობს და მთავარი გუნდის ვარჯიშებზეც ხშირად ცხადდება. საჭიროების შემთხვევაში, ბასკი სპეციალისტი შანსს ახალგაზრდა ესპანელსაც მისცემს.

გარდა ამისა, აღსანიშნავია, რომ ოქტომბერსა და ნოემბერში სანაკრებო შეკრებების გამო 2-2 კვირიანი პაუზა იქნება, რაც ამ შემთხვევასი რუდიგერის წისქვილზე ასხამს წყალს.

ექიმების ვარაუდით, ანტონიო დეკემბრის პირველ ნახევარში დაბრუნდება, მას 16-18 დაპირისპირების გამოტოვება მოუწევს, თუმცა რომ არა სანაკრებო პაუზები, ეს რაოდენობა 25-ზე მეტი იქნებოდა.