ალონსო:„ის „რეალის“ ფუნდამენტური ფეხბურთელია“
ჩაბი ალონსომ „სოსიედადთან“ დაპირისპირების წინ პრესკონფერენცია გამართა.
„საკმაოდ რთული მატჩი გველის, დარწმუნებული ვარ, „სოსიედადი“ საშინაო არენაზე ქულების მოპოვებას დაგეგმავს, ჩვენ კი ლიდერობა უნდა შევინარჩუნოთ. მნიშვნელოვანია, რომ ყველა ფეხბურთელი ჯანმრთელია და ეროვნული ნაკრებების შეკრებაზე დაზიანება არავის მიუღია.“
„ენდრიკ ფელიპეს აღდგენითი პროცესი გრძელდება, ბრაზილიელი ფეხბურთელი მწვანე მინდორზე მალე დაბრუნდება.“
„ჯუდ ბელინგემის ვარჯიშს თვალ-ყურს ვადევნებ და ვხედავ, როგორც პროგრესირებს ინგლისელი ფეხბურთელი, მისი დაბრუნება ჯერ ვერ მოხდება. დაველოდოთ ოქტომბერს.“
„შემაჯამებელი ვარჯიში ნამდვილად ინტენსიური იქნება. ჩვენ ყველაფერს გავაკეთებთ იმისთვის, რომ „ანოეტაზე“ მოწოდების სიმაღლეზე ვიდგეთ.“
„ვინი, მბაპე და როდრიგო სასტარტოში? ეს სავსებით შესაძლებელია. ეს ყველაფერი დამოკიდებულია გუნდის სისტემაზე, მეტოქესა და საჭიროებებზე.“
„მასტანტუონო 20 წლამდელთა ნაკრებში? არგენტინელი ფეხბურთელი გუნდში დარჩება და ადაპტაციის პროცესს განაგრძობს.“
„ფერლან მენდის დასაბრუნებლად კიდევ რამდენიმე კვირა დასჭირდება, ის ჯერ-ჯერობით ხელმისაწვდომი არ არის და სიფრთხილე გვმართებს.“
„კამავინგა მალე დაბრუნდება, ის „ანოეტაზე“ ჩემს განკარგულებაში არ იქნება, თუმცა უახლოეს მომავალში ვიხილავთ.“
„არის თუ არა მბაპე მთავარი ლიდერი? კილიანი არის „რეალის“ ფუნდამენტური ფეხბურთელი. ფრანგი მოთამაშე, როგორც ფიზიკური, ასევე მენტალური თვალსაზრისით შესანიშნავად გრძნობს თავს.“
„ტრენტ ალექსანდერ არნოლდის და დანიელ კარვახალის გუნდში ყოლა დიდი კომფორტია. ბედნიერი ვარ და მიხარია, რომ ჩვენ შევძელით ინგლისელის გამადრიდელება, ამ მოთამაშეებს განსხვავებული როლის შესრულება შეუძლიათ, რაც ძალიან ბევრი ვარიაციის საშუალებას გვაძლევს.“
„ბრაზილიელების გარჯით ძალიან კმაყოფილი ვარ. როგორც ვინისიუსმა,ასევე მილიტაომ და როდრიგო გოეშმა ეს პერიოდი ნაყოფიერად გამოიყენეს, ისინი მადრიდში დარჩნენ და ფიზიკური კონდიციები მნიშვნელვნად გაიუმჯობესეს.
„ენდრიკი ბრაზილიაში? ვფიქრობ, კარლო მას ოქტომბერში გამოიძახებს.“
- დღეს, 17:11
- 206
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
