კილიან მბაპე მადრიდში დაბრუნდა და გუნდთან ერთად ვარჯიშს შეუდგა. ფრანგმა ფეხბურთელმა კომენტარი გააკეთა.

„ვფიქრობ, რომ ძალიან მნიშვნელოვანი ეტაპი იწყება. სანაკრებო შეკრებები დასრულებულია, ახლა კი საკლუბო ასპარეზზე უნდა გადავერთოთ. მადრიდის „რეალს“ საკმაოდ ინტენსიური კალენდარი აქვს, ვიწყებთ ჩემპიონთა ლიგასაც და მივიჩნევ, რომ სექტემბრის დაპირისპირებები ძალიან დიდ მნიშვნელობას შეიძენს.“

„ლა ლიგაში პირველი ადგილის განმტკიცებისთვის ყველა შეხვედრის მოგებაა საჭირო. ვფიქრობ, ეფექტური და სტაბილური სტარტი, საბოლოო წარმატების საწინდარი იქნება.“

„თავს შესანიშნავად ვგრძნობ, როგორც ფიზიკური, ასევე მენტალური თვალსაზრისით. მზად ვარ, გუნდს ყველა მატჩში დავეხმარო და მაქსიმუმი გავიღო.“