არგენტინის 20 წლამდელთა ნაკრებს მსოფლიო ჩემპიონატისთვის ფრანკო მასტანტუონოს გამოძახება სურს.

არსებული ინფორმაციით, ახალგაზრდა შემტევი ახალგაზრდებთან ერთად თამაშზე თანახმაა, მაგრამ საბოლოო სიტყვის თქმა მადრიდის „რეალს“ მოუწევს.

თუ მასტანტუონო ნაკრებში წავა, „რეალის“ 7 დაპირისპირების გამოტოვება მოუწევს, ეს კი საკმაოდ პრობლემატური საკითხი იქნება.

მსოფლიო ჩემპიონატი 20 წლამდელებს შორის სექტემბრის ბოლოს იწყება, არგენტინის ნაკრებს კი ჯგუფში, კუბის, იტალიის და ავსტრალიის ნაკრებები ჰყავს.