მადრიდის „რეალის“ ფეხბურთელებმა „სოსიედადთან“ დაპირისპირებისთვის კიდევ ერთი ვარჯიში გამართეს.

დღევანდელ სესიაზე ჩაბი ალონსომ დიდი ყურადღება დაუთმო ფიზიკურ კონდიციებს, ბურთის ფლობას, მოკლე სივრცეში ზუსტ თამაშს, ბურთის სწრაფად დაბრუნებას და სტანდარტულებს.

ფრანკო მასტანტუონომ გუნდთან ერთად ივარჯიშა და სრულფასოვანი დატვირთვა მიიღო. კოლექტივს შეუერთდა კილიან მბაპეც, რომელსაც საფრანგეთის ნაკრებშიც ეფექტური მატჩები ჰქონდა.

ასევე გუნდთან ერთად ვარჯიშობს ჯუდ ბელინგემიც, თუმცა მას ინდივიდუალური პროგრამაც აქვს და ჯერ ვერ დაბრუნდება.

ხვალ „მერენგები“ შემაჯამებელ სესიას გამართავენ, რომელსაც ყველა ფეხბურთელი დაესწრება.