მადრიდის „რეალის“ ფეხბურთელებმა კვირის მესამე ვარჯიში წარმატებით დაასრულეს.

გუნდი „ანოეტაზე“ ვიზიტისთვის მზადებას განაგრძობს.

დღევანდელ სესიაზე ჩაბი ალონსოს განკარგულებაში დინ ჰოისენი, დანი კარვახალი, არდა გიულერი, ტიბო კურტუა და ბრაჰიმ დიასი და ანტონიო რუდიგერიც იყვნენ.

შეკრებაზე დიდი ყურადღება დაეთმო მოკლე სივრცეში ზუსტ და კომბინაციურ თამაშს, ტაქტიკურ მონახაზებს, კარში დარტყმების კომპონენტს და სტანდარტულებს.

ჯუდ ბელინგემის აღდგენითი პროცესი კარგ ტემპში მიმდინაროებს, ის კოლექტივთან ერთად გარკვეულ დავალებებს ასრულებს, თუმცა მეტწილად ფიზიკური კონდიციების გაუმჯობესებით არის დაკავებული.

გუნდთან ერთად ივარჯიშა ედუარდო კამავინგამაც, ფრანგ მოთამაშეს მოედანზე მალე ვიხილავთ.

ფერლან მენდის და ენდრიკ ფელიპეს აღდგენითი პროცესი გრძელდება.