საფრანგეთის ნაკრებმა სექტემბრის შეკრება დაასრულა. დიდიე დეშამის გუნდმა 2-იდან 2 მატჩი მოიგო და 6 ქულა აიღო.

კილიან მბაპემ მოედანზე 90 წუთი გაატარა და საკმაოდ ნაყოფიერიც იყო. „რეალის“ წინახაზელმა 1 გოლის გატანა და 1 საგოლე გადაცემის გაკეთება შეძლო. აღსანიშნავია, რომ ეს გოლი ისტორიული გამოდგა, ვინაიდან რიგით 52-ე იყო და ამ მაჩვენებლით მბაპემ ტიერი ანრის 51 გოლიანი შედეგი გააუმჯობესა.

რაც შეეხება ორელიან ჩუამენის, მადრიდელმა ნახევარმცველმა მოედანზე 1 საათზე ცოტა მეტი გაატარა.

საბოლოო ჯამში „მამლებმა“ ისლანდიელები 2-1 დაამარცხეს და ჯგუფშიც პირველ პოზიციაზე იმყოფებიან.

მბაპე მადრიდში დღეს დაბრუნდება, ხვალიდან კი ჩაბი ალონსოს დავალებების შესრულებას დაიწყებს.