ესპანური გამოცემების ცნობით, იანვარში მადრიდის „რეალის“ ხელმძღვანელობა „კრისტალ პალასის“ ნახევარდაცვის ლიდერის, ადამ უორტონის გარემოცვას შეხვდება.

ახალგაზრდა მოთამაშე კვირიდან კვირამდე პროგრესირებს და ყველას აჩვენებს, რომ ძალიან მაღალი დონის ფეხბურთის ჩვენება შეუძლია.

ადამზე პრეტენზია „რეალის“ გარდა მანჩესტერ „იუნაიტედმა“, „იუვენტუსმა“ და ლონდონის „ჩელსიმ“ გამოაცხადეს.

„რეალს“ სურს, რომ მოვლენებს სრულად აკონტროლებდეს, სწორედ ამიტომ, ახალი წლიდან ამ ტრანსფერზე სერიოზულ მუშაობას დაიწყებს.

„კრისტალ პალასს“ ინგლისელის სანაცვლოდ კოლოსალური თანხის მიღება აქვს მიზნად დასახული, პერესი კი მიიჩნევს, რომ ფეხბურთელის ტრანსფერი 50-იდან 60 მილიონ ევრომდე უნდა დაჯდეს.

მოქმედი კონტრაქტი, რომელიც ნახევარმცველს „კრისტალ პალასთან“ აკავშირებს, 2029 წლამდეა ძალაში.