„მარკას“ ინფორმაციით, იბრაჰიმა კონატეს ირგვლივ მოვლენები ზუსტად ისე ვითარდება, როგორც შარშან ტრენტ ალექსანდერ არნოლდის შემთხვევაში განვითარდა.

2024 წლის ზაფხულში „რეალი“ ტრენტის დამატებას ცდილობდა, თუმცა მერსისაიდულმა კლუბმა ის არ გაყიდა, საბოლოო ჯამში, ინგლისელმა ფეხბურთელმა ლივერპულელთა 3 წინადადება დაბლოკა და 2025 წელს „მერენგების“ რიგებს მიაშურა.

ახლა ზუსტად იგივე სიტუაციაშია იბუ კონატეც, რომელიც სანტიაგო ბერნაბეუზე თამაშზე ოცნებობს და ამისთვის ყველაფერს აკეთებს.

იბრაჰიმას „ბლანკოსთან“ 6 წლიანი კონტრაქტი აქვს შეთანხმებული და მერსისაიდელთა ყველა წინადადება განხილვის გარეშე დატოვა.

ფრანგი ცენტრალური მცველის ირგვლივ მოვლენები მართლაც იდენტურად ვითარდება. „მარკა“ იუწყება, რომ „ლივერპულში“ სიტუაცია უკვე გაანალიზებული აქვთ და იციან, რომ სეზონის ბოლოს იბუსთან გამომშვიდობება მოუწევთ.