ჯუდ ბელინგემის აღდგენითი პროცესი საკმაოდ სწრაფ ტემპში მიმდინარეობს, მაგრამ ის დაგეგმილზე ადრე ვერ დაბრუნდება.

ინგლისელი ფეხბურთელის მიზანი ოქტომბრის სანაკრებო პაუზამდე დაბრუნება იყო, მაგრამ მოედანზე ადრე გასვლა რისკებს შეიცავს, სწორედ ამიტომ, სამწვრთნელო შტაბი მას ამის უფლებას არ მისცემს.

„ას“-ის ცნობით, ბელინგემს მწვანე მინდორზე ოქტომბრის მეორე ნახევარში ვიხილავთ, იქამდე კი აღდგენითი პროცესი სრულფასოვნად ჩაივლის.

საუკეთესო შემთხვევაში ინგლისელი ფეხბურთელი მოედანზე „ხეტაფეს“ წინააღმდეგ უნდა ვიხილოთ, ეს შეხვედრა მაღალი ალბათობით 19 ოქტომბერს შედგება, ამის შემდეგ კი გუნდს ტურინის „იუვენტუსთან“ ჩემპიონთა ლიგაზე და კატალონიის „ბარსელონასთან“ „ელ კლასიკოში“ მოუწევს ურთიერთობების გარკვევა.