მოქმედი კონტრაქტის მიხედვით, დანიელ კარვახალი მადრიდის „რეალში“ ბოლო სეზონს ატარებს. ხელშეკრულება ლეგენდის მადრიდში დარჩენას კიდევ 10 თვით ითვალისწინებს.

„მარკას“ ინფორმაციით, სამეფო კლუბმა ესპანელი მარჯვენა მცველის ახალ კონტრაქტზე მუშაობა დაიწყო.

ასევე ცნობილია, რომ თავად ფეხბურთელი დარჩენის წინააღმდეგი არ არის და მზადაა, საკუთარი ბედი მადრიდულ გრანდს 2027 წლის 30 ივნისამდე დაუკავშიროს.

მადრიდული გრანდი აპირებს, რომ კონტრაქტი იდენტური იყოს და მხოლოდ ვადები შეცვალოს, სახელფასო და საიმიჯო ნაწილს კი არ შეეხოს.