სნეიდერის ტრანსფერმა ესპანეთიდან იტალიაში შეიძლება კრახი განიცადოს.აი რა განაცხადა მოურინიომ:"სნეიდერი?მე არ ვიცი,ეს არ მაღელვებს".

მიუხედავად იმისა,რომ უესლი ვერ მიიღებს ხვალინდელ მატჩში მონაწილეობას "როსენბორგის" წინააღმდეგ,მას მაინც სურს გუნდში დარჩენა.

"ინტერს" მალე სურს მოლაპარაკებების დასრულება ჰოლანდიელის ტრანსფერთან დაკავშირებით.როგორც Corriere Dello Sport იტყობინება,ორშაბათი იქნება ბოლო დღე,რათა შედგეს სნეიდერის ტრანსფერი.

იტალიაში ელიან უესლის აგენტის სორენ ლერბის ჩასვლას.მადრიდელებმა უკვე 20–დან 15 მლნ.ევრომდე დაიყვანეს ჰოლანდიელის ფასი.თვითონ ფეხბურთელს იტალიაში სურს 4 მლნ.ევრო ხელფასი.შეგახსენებთ,რომ სნეიდერი "რეალში" 3.5 მლნ.ევროს იღებს ხელფასის სახით.

სნეიდერის სურვილმა ხელფასის მომატების თაობაზე შეიძლება ჩაშალოს ტრანსფერი."ნერიაძური" უარს აცხადებს ფეხბურთელთან შეხვედრაზე.


ინფორმაციის წყარო:Goal.com