ჩაბი ალონსო ჯუდ ბელინგემს ცენტრალურ ნახევარმცველად ხედავდა და ამაზე ბევრი იმუშავა, თუმცა ესპანელი სპეციალისტი მიიჩნევს, რომ ინგლისელმა ფეხბურთელმა სხვა როლი უნდა მოირგოს.

მას შემდეგ, რაც ჯუდი მოედანზე დაბრუნდება, მოედნის ცენტრის კონტროლი აღარ დაევალება და დაუბრუნდება პოზიციას, რომელზეც ის 2023/24 წლების სეზონში კარლო ანჩელოტიმ მოსინჯა და ჯუდმაც გაამართლა.

ჯუდი ითამაშებს წინახაზელების უკან და მისი მოვალეობები არა შეტევების წამოწყება, არამედ განვითარება იქნება.

ბელინგემმა შემტევი ნახევარმცველის პოზიციაზე თამაშის დროს არაერთი გოლის გატანა შეძლო და 2023/24 წლების ფეერიული სეზონის ერთ-ერთი მთავარი შემოქმედი გახლდათ.

ახლა ჩაბი მიიჩნევს, რომ ჯუდი უნდა გახდეს ნამდვილი „10“-იანი.