ესპანური გამოცემების ცნობით, დავიდ ალაბას იტალიის ჩემპიონატიდან შემოთავაზება აქვს.

ავსტრიელ ფეხბურთელს შეუძლია 3 წლიან კონტრაქტს მოაწეროს ხელი და გარანტირებული სათამაშო დრო მიიღოს.

ფლორენციის „ფიორენტინას“ ხელმძღვანელობამ სამეფო კლუბს უკვე მიმართა.

ფლორენტინო პერესს იტალიელების წინადადება მაგიდაზე უდევს, მთავარი კი თავად ფეხბურთელის მოსაზრება იქნება, რომელიც დაცვის ცენტრში მეხუთე არჩევანია.

რაც შეეხება ფინანსურ ნაწილს. არსებული ინფორმაციით, „ფიორენტინა“ მხოლოდ 5 მილიონის გადახდას აპირებს, მაგრამ თუ დავიდი „რეალიდან“ წავა, პერესი მის ხელფასსაც დაზოგავს. შეგახსენებთ, ავსტრიელი მცველის წლიური ანაზღაურეა 10.4 მილიონ ევროს შეადგენს.