მადრიდის „რეალმა“ ნიკოლო ბარელასთან დაკავშირებით „ინტერს“ ისევ მიმართა, თუმცა ამაოდ.

ფლორენტინო პერესი მზად არის, იტალიელი ნახევარმცველის სანაცვლოდ 80 მილიონი ევრო გადაიხადოს, მაგრამ „შავ-ლურჯები“ მოთამაშის გაშვებაზე კატეგორიულ უარს აცხადებენ.

ბარელას „ინტერთან“ მრავალწლიანი კონტრაქტი აკავშირებს და უძლურია. კულუარული ინფორმაციით, ნიკოლოს ბერნაბეუზე თამაში სურს, მაგრამ ამ ეტაპზე ვერაფერს გააწყობს.

სამეფო კლუბში უკვე იციან, რომ ბარელას დამატება გამორიცხულია. ახლა დღის წესრიგში კობი მაინუს და  ადამ უორტონის სახელებია.

ასევე ვრცელდება ინფორმაცია, რომლის მიხედვითაც, თუ „მერენგები“ ვერავის დაიმატებენ, ჩაბი ალონსო მთავარ გუნდში ტიაგო პიტარჩის კანდიდატურას განიხილავს.