დანი სებალიოსის ირგვლივ სრული ქაოსია.

ესპანელმა ფეხბურთელმა „მარსელთან“ მოლაპარაკებები ბოლო მომენტში ჩაშალა და „ბეტისთან“ შეთანხმებაზე გადაერთო.

შემდეგ აღმოჩნდა, რომ ანდალუსიური კლუბი იჯარაზე უარს აცხადებს, მოთამაშის სანაცვლოდ 15 მილიონი ევროს გადახდას კი არ აპირებს, რასაც „რეალი“ არ ეთანხმება.

„მარკა“ იუწყება, რომ სება „მარსელს“ მიუბრუნდა, მაგრამ ფრანგული კლუბისგან უკვე უარი მიიღო და შეთანხმება საბოლოოდ ჩაიშალა.

ამ ეტაპისთვის სებალიოსს მსურველი მხოლოდ საუდის არაბეთიდან ჰყავს და სხვა გუნდები ინტერესს არ იჩენენ. სწორედ ამიტომ დანი შესაძლოა საერთოდ აღარ წავიდეს.