სრული მოულოდნელობა - ტრენტი კარიერას „სიტიში“ გააგრძელებს?
ესპანური გამოცემების ცნობით, ხოსეპ გვარდიოლამ ტრენტ ალექსანდერ არნოლდზე ნადირობა დაიწყო.
ამას მართლაც ვერავინ წარმოიდგენდა, რადგან ინგლისელი ფეხბურთელი სულ ცოტა ხნის წინ გახდა „რეალის“ საკუთრება.
RealmadridConfidencial-ის ინფორმაციით, საქმე იმაშია, რომ ტრენტი უკმაყოფილოა ჩაბი ალონსოს ბოლო გადაწყვეტილებებით.
მას შემდეგ, რაც ლა ლიგის პირველ ტურში ინგლისელი „რეალში“ ყველაზე სუსტი წერტილი იყო, ალონსომ ის სკამზე დასვა და „რეალ ოვიედოს“ წინააღმდეგ სასტარტოში დანიელ კარვახალი დააყენა.
ასევე გავრცელდა ჭორები, რომლის მიხედვითაც, გასახდელში ყველამ იცის, რომ ალონსო სასტარტოს მოთამაშედ დანის მიიჩნევს, ხოლო ტრენტს ალტერნატივად, რაც ინგლისელისთვის სრულიად მიუღებელია.
ყოველივე ზემოაღნიშნულის ფონზე აქტიურდება ხოსეპ გვარდიოლა, რომელიც აპირებს, რომ ალექსანდერ არნოლდს სათამაშო გარანტიები მისცეს.
ამასთანავე, იანვარში „სიტი“ „რეალისთვის“ 60 მილიონი ევროს შეთავაზებას გეგმავს, რაც ფლორენტინოსთვის უდიდესი მოგება იქნება, ვინაინან განაპირა მცველი „ლივერპულიდან“ „რეალს“ თავისუფალი აგენტის სტატუსით შეუერთდა და სამეფო კლუბმა მერსისაიდულ მხარს სიმბოლური თანხა გადაუხადა მხოლოდ იმის სანაცვლოდ, რომ მოთამაშეს 30 ივნისამდე შეძლებოდა მადრიდში გადაბარგება.
- 27 აგვისტო 2025
- 5 007
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
