რამდენიმე დღის წინ გავრცელდა ინფორმაცია, რომლის მიხედვითაც, „რეალმა“ და ვინისიუს ჟუნიორმა ახალ კონტრაქტზე შეთანხმებას ვერ მიაღწიეს და მოლაპარაკებები მომდევნო წლისთვის გადადეს, თუმცა ახლა ყველასათვის მოულოდნელად, მომდევნო შეხვედრა ჩაინიშნა.

პარასკევს ბრაზილიელი მოთამაშის წარმომადგენელი „რეალის“ გენერალურ დირექტორს შეხვდება. საუბრის თემა ალბათ ყველასთვის ღია და ნათელია.

„რეალის“ მიზანი ვინისთან ახალ კონტრაქტზე დროული შეთანხმებაა.

მადრიდში მიიჩნევენ, რომ თუ ჟუნიორთან შეთანხმება ვერ შედგება, 2026 წელს ის უნდა გაიყიდოს და „ბლანკოსმა“ სოლიდური თანხა გამოიმუშავოს.

ამის პარელალურად, სამხრეთ-ამერიკელი მოთამაშე ხელფასის მნიშვნელოვან მატებას ითხოვს, „რეალი“ კი მხოლოდ 3.5 მილიონის მომატებაზეა თანახმა, რაც თავის თავში ასევე დამატებით ბონუსებს და 2028 წლიდან დამატებით 2 მილიონს ითვალისწინებს.