ჩაბი ალონსო:„მბაპეს ეს დავალება პირადად მივეცი“
ჩაბი ალონსომ „რეალ ოვიედოსთან“ დაპირისპირების წინ პრესკონფერენცია გამართა.
„უკვე სამი კვირაა ვარჯიში დავიწყეთ და კონკრეტულ შედეგებს ველი. მივიჩნევ, რომ გუნდმა უნდა მოუმატოს და მაქვს დამატებითი მოთხოვნებიც. ჩვენ ახლა მეორე ტურის დაპირისპირების ჩატარება გვიწევს, თანაც გასვლაზე, ეს კი დამატებითი ამოცანაა.“
„სანტი კასორლას ვესაუბრე და „ოვიედოს“ ლა ლიგაში აღზევება მივულოცე, ეს ძალიან კარგი ამბავია კლუბისთვის, რომელსაც უდიდესი ისტორია აქვს.“
„მასტანტუონო შესანიშნავად ვარჯიშობს. კმაყოფილი ვარ არგენტინელი ახალწვეულის გარჯით. ფრანკოს შეუძლია, როგორც ფლანგიდან შეტევა, ასევე ფლეიმეიკერად თამაში, ის უნივერსალური სტილის მოთამაშეა, რომელსაც აქვს კარგი სისწრაფე, ტექნიკა, პასი, დარტყმა. ვფიქრობ, შესანიშნავი შენაძენია და სათამაშო დროს კიდევ მიიღებს.“
„ვინისიუსი მნიშვნელოვანი ფიგურაა. რატომღაც მას ხშირად ატყდება კრიტიკა თავს. ბრაზილიელი კარგად ვარჯიშობს და ცდილობს, გუნდისთვის სასარგებლო საქმე აკეთოს.“
„ფლანგები? ვფიქრობ, როგორც ტრენტი, ასევე კარერასი მნიშვნელოვან საქმეებს აკეთებენ. ჩვენთვის მათი გუნდში ყოფნა დიდი რესურსია.“
„როდრიგო გოეშთან დაკავშირებით გადაწყვეტილებას მე ვიღებ. ყოველთვის მსურს ითამაშოს იმ ფეხბურთელმა, რომელიც საუკეთესო ფორმაშია.“
„სტანდარტები? არდა გიულერი ჯარიმებს შესანიშნავად ასრულებს, იგივეს თქმა შემიძლია ტრენტზე, მბაპეზე, მასტანტუონოზე.“
„როდესაც ბელინგემი დაბრუნდება, აუცილებლად მიიღებს სათამაშო დროს და ახალ სისტემასთან ადაპტირდება.“
„მკაფიო იდეები გვაქვს და შეგვიძლია სათამაშო სისტემების ცვლილება. „რეალში“ დიდი რესურსია.“
„ფეხბურთელებს სხვადასხვა პოზიციაზე შეუძლიათ თამაში, ეს ჩვენთვის მნიშვნელოვანია, რომ განვახორციელოთ განსხვავებული იდეები.“
„ტრანსფერები? კმაყოფილი ვარ შემადგელობით, რომელიც მყავს, თუმცა ნებისმიერ დროს შეიძლება რამე შეიცვალოს.“
„მბაპე გუნდში ფუნდამენტური მოთამაშეა, მას შეუძლია ბურთის ტარება, ტექნიკური მოძრაობები და ასე შემდეგ, თუმცა პირადად დავავალე, რომ მისი ამოსავალი წერტილი რაც შეიძლება მეტი გოლის გატანა იყოს.“
- გუშინ, 19:07
- 2 759
- 33
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
