კრიშტიანო რონალდუს კარიერაში კიდევ ერთი ისტორიული დღე დადგა.

პორტუგალიელმა ფეხბურთელმა „ალ ნასრიში“ მე-100 გოლის გატანა შეძლო და გახდა ერთადერთი ფეხბურთელი, რომელსაც 4 სხვადასხვა კლუბში 100 და მეტი გოლი აქვს გატანილი.

მსგავსი შედეგის დაფიქსირება „7“-იანმა „ალ ნასრის“ გარდა „რეალში“, მანჩესტერ „იუნაიტედსა“ და ტურინის „იუვენტუსში“ შეძლო.

ასევე აღსანიშნავია, რომ რონალდუს საუდის არაბეთის ჩემპიონატში 100 გოლის გასატანად 113 მატჩი დასჭირდა, რაც მისი ასაკის ფეხბურთელისთვის საოცარი და წარმოუდგენელი შედეგია.