ერთდღიანი პაუზის შემდეგ მადრიდის „რეალის“ ფეხბურთელები ვარჯიშს დაუბრუნდნენ.

ჩაბი ალონსომ გუნდი შეკრიბა და „რეალ ოვიედოსთან“ შეხვედრისთვის მზადება განაახლა.

სესიაზე დიდი ყურადღება დაეთმო ბურთის ფლობის კომპონენტს, სწრაფ თამაშს, პრესინგს, ტაქტიკურ მონახაზებს და კარში დარტყმებს.

დატვირთვა მიიღეს კასტილიელებმაც.

ასევე აღსანიშნავია, რომ გუნდთან ერთად ნაწილობრივ ივარჯიშა ენდრიკ ფელიპემ. ეს უკანასკნელი აღდგენით პროცესშია და მოედანზე 3-4 კვირაში დაბრუნდება.