სამეფო კლუბის ფეხბურთელებმა აღდგენითი ვარჯიში ჩაატარეს და „რეალ ოვიედოსთან“ შეხვედრისთვის მზადება დაიწყეს.

ფეხბურთელები, რომლებიც „ოსასუნასთან“ სასტარტო შემადგენლობაში იყვნენ, დღეს მხოლოდ აღდგენით დაკავდნენ, დანარჩენებმა კი სრულფასოვანი დატვირთვა მიიღეს.

ჩაბი ალონსომ სესიაზე რამდენიმე კანტერანოც მიიწვია და კონკრეტული დავალებები გასცა.

კვლავ დიდი ყურადღება დაეთმო ბურთის ფლობის კომპონენტს, კარში დარტყმებს, ტაქტიკურ მონახაზებს, პრესინგს და მოკლე სივრცეში ზუსტ თამაშს.

შეგახსენებთ, ლა ლიგის მე-2 ტურის დაპირისპირებას „მერენგები“ 24 აგვისტოს, თბილისის დროით 23:30 საათზე ჩაატარებენ.