ალონსო:„პრესინგში დიდი პროგრესი გვაქვს, მაგრამ ჯერ კიდევ ვმუშაობთ“
ჩაბი ალონსომ „ოსასუნასთან“ გამარჯვების შემდეგ პრესკონფერენცია გამართა.
„მატჩი მრავალფეროვანი იყო. დავინახე კომპონენტები, რომელიც უკვე დახვეწილია და კომპონენტები, რომელზეც სამუშაო ჯერ კიდევ ბევრი გვაქვს.“
„ჩვენ ძალიან სწრაფად ვიბრუნებდით ბურთს, ამაზე კი ბევრი მაქვს ნამუშევარი. ფეხბურთელები აშკარად ძალიან ბევრს მოძრაობდნენ, ეს კი დინამიკას გვძენდა.“
„პამპლონურმა კლუბმა ღრმა დაცვა შემოგვთავაზა, რამაც ჩვენი ამოცანები გაართულა, თუმცა გამარჯვებამ თავდაჯერება მოგვცა. მუშაობას ვაგრძელებთ და გვჯერა, რომ იდეა, რომელსაც ვანხორციელებთ წარმატებული იქნება.“
„ვულოცავ ახალწვეულებს, მათი დებიუტი ნამდვილად ემოციური იყო. დარწმუნებული ვარ, ყველა მაღალ დონეს აჩვენებს.“
„დინ ჰაუსენმა არნახული კლასი გვიჩვენა, ის დაცვაში უშეცდომო იყო და რამდენჯერმე სიტუაციის გამწვავებაც მოახერხა.“
„გასახდელში ფეხბურთელებს ვუთხარი, რომ ყველაფრით კმაყოფილი ვარ, თუმცა გუნდმა წინსვლაზე უნდა იფიქროს, ჩვენ ამაზე გაცილებით მეტი შეგვიძლია.“
„კარერასი ფლანგიდან ხშირად ამწვავებს სიტუაციას, რაც ძალიან მომწონს. ესპანელი კიდევ მოუმატებს, ის კარგად იცნობს მადრიდის „რეალს“ და ბერნაბეუს.“
„მასტანტუონო? არგენტინელმა მატჩში ტემპი შემოიტანა, რაც თავისთავად ძალიან მნიშვნელოვანია. ფრანკო ყველგან მოძრაობდა და დინამიური იყო. ნუ დაგავიწყდებათ, რომ არგენტინელს ჯერ მხოლოდ რამდენიმე ვარჯიში აქვს ჩატარებული.“
„იმისთვის, რომ არდა გიულერმა მწვერვალები დაიპყროს, აუცილებლად უნდა მიიღოს ბევრი სათამაშო წუთი. თურქი ძალიან კრეატიულია, მან იცის ნახევარდაცვის მართვა, აქვს შესანიშნავი პასი და ხედვა. გიულერსგან ბევრს ველით.“
„არაფერს ნიშნავს ის, რომ როდრიგო გოეში სათადარიგო სკამზე დარჩა. ბრაზილიელი ფეხბურთელი კარგად ვარჯიშობს და სათამაშო დროს მიიღებს.“
„ყოველდღიუად ვხედავ უდიდეს სურვილს წინსვლისკენ, რომელიც კილიან მბაპეს აქვს. ის უკვე 1 წელია მადრიდში ცხოვრობს და მიიჩნევს, რომ მეორე სეზონი გაცილებით ეფექტური იქნება. მას სურს, როგორც ინდივიდუალური, ასევე კოლექტიური პასუხისმგებლობის აღება. „10“-იანი ბევრი გოლის გატანას აპირებს.“
„როდესაც გუნდი ორმაგ დაცვას გეთამაშება, შეტევების განვითარება მარტივი არ არის, მაგრამ ამისთვისაც მზად უნდა ვიყოთ. ჩვენ ვმუშაობთ ყველა მიმართულებით.“
„კარვახალი ძალიან ძლიერია, როგორც მენტალურად, ასევე ფიზიკურად. მისი გუნდში ყოფნა საერთო სიმშვიდისთვისაც მნიშვნელოვანია. „რეალს“ დანის სახით ღირსეული კაპიტანი ჰყავს.“
„დაცვის იდეალური ცენტრი? ჩვენ გვყავს ჰაუსენი, მილიტაო, რუდიგერი, ასენსიო და ალაბა. ამ მხრივ არჩევანი დიდია. ის ითამაშებს, ვინც საუკეთესო ფორმაში იქნება.“
- 20 აგვისტო 2025
- 1 708
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
